QYTEZA E SAMOBORRIT

Siti arkeologjik Samoborri ndodhet në anën e djathtë të rrugës Tuz – Bozhaj. Ngjitja deri tek maja e Samoborrit (83 m të lmd) zgjat afro 20 minuta. Gradina e Samoborrit I takon periudhës iliro-helene dhe romake, harkut kohor që nga mesi i shek. të III deri në shek. e I para erës sonë dhe është një nga lokalitetet më të mëdhenj dhe me qeramikë më i pasur në basenin e Liqenit të Shkodrës.